Schuler-Wii isch im April 2025 vom Gstüehl z Ännetwettige uf Wettige zügled. Jetzt isch d Ladeflächi uf Comparis usgschribe.
Grad erscht het me sich a de neu Standort vo Schuler-Wii a de Landstrass gwöhnt gha, isch d Gschicht scho wieder vorbi. Wer im Internet e chli stöbered, find uf Comparis es Inserat, wo eim stutzig macht: D Ladeflächi a de Landstrass 9 – det wo d Schuler St. Jakobskellerei erst letscht Jahr im April izogge isch – isch scho wider zur Vermietig usgschribe.
De Umzug vo Ännetwettige uf Wettige isch als grosse Neustart denkt gsi. Mer het modernisiert, alles schick gmacht und welle neui Chunde aalocke. Aber jetzt , wird de Schuler sis Feld z Wettige scho bald wieder ruume.
Im Juni 2026 wird Schuler schlüsse, wi si ois uf Aafrog mitteild hend. Aktuell sind si dra, d Kundinne und Kunde direkt z informiere.
Ab April 2026 started Schuler z Wettige mit usgwählte Aagebot, so dass es bis Ende Juni an Standort attraktivi Aktione git.
Aber au hinter de Kulisse passiert grad vill bi Schuler. Erscht grad am 1. März 2026 hends de Onlineshop z Dütschland dicht gmacht. Es gseht ganz danach uus, als würd d Firma wege ihrem Lade-Netz nomal über d Büecher goh und sich meh uf s Kern-Gschäft konzentriere. Ohni Wettige!
Wer no Guetschii het, cha di ab em Juli au im Onlineshop oder ineme andere Lade iilöse!