Wil de Mietvertrag am hütige Standort a de Landstross 32 im September 2027 uslaufd, het de Fabian Rimann en noie Standort für sis Gschäft und d Produktion gsuechd. Er isch fündig worde.
S Gschäft vom Fabian Riman wandered d Landstross abe. Scho vor vilne Johr isch er vo de Landstross 122 a d Landstross 32 zügled, im August 2027 gohts a de Landstross 8 witer, wie s Badener Tagblatt mitteild. D Landstross 8 isch s Huus, i dem bis Endi April / Aafang Mai 2024 d Papeterie Christen dine gsi isch. De Fabian Rimann het en Pachtvertrag über 20 Johr unterschribe, so dass de Fabian Rimann bis zur Pensionierig a de Landstross 8 cha bliibe – ausser er schaffed so lang wie de bisherig Inhaber, de Peter Christen. Der hört erscht Ends Johr mit 83 uf, wie s Badener Tagblatt schriibd. Bis da anne produziert er mit zwöi Mitarbeitende im Gebäud no Spezialartikel wie Kunststoffetikette für Firmene und Behörde.