Am Mentig, 5. September 2022 het im Tägi de Spatestich vo de Sanierig vom Gartebad stattgfunde. In zwöi Etappe werded jewils im Winterhalbjahr d Becki, d Leitige und d Technik ernoiered.
Di letscht Etappe vo de Tägisanierig isch hüt in Aagriff gnoh worde. Bim Spatestich, zu dem d Medie iiglade worde sind, si mir debi gsi. Zerscht het de Verwaltigsratspräsident vo de Tägi AG, de Roland Kuster gred, danach de CEO vo de Tägi AG, de Urs Kamberger und zum Schluss de Projäktleiter vo de Beck Schwimmbaubau AG, de Bruno Sieber, wo für d Sanierig verantwortlich isch. Zum Schluss isch dann no mit Bagger, Schuufle und Spate Hand aaglegt worde. Aber lueged selber: