Am 11. Septembär 2022 findet z Münche d Weltmeisterschaft vo de Biersommelier statt. De Lukas Porro vo de LägereBräu isch im Schwiizer Team debi.
S Schwiizer Biersommelierweltmeisterschaftsteam, wo im Septämber bi de Weltmeisterschaft an de Start goht, het au en Bezug zu Wettige. D Mannschaft bestood us em Giuliano Genoni (Capolago), em Gregor Völkening (Affoltere am Albis), em Lukas Porro (Züri), de Cindy Elsenbast (Lozärn), em Claude Preter (Oberengstrige), de Petra Elsenbast (Lozärn) und de Melitta Costantino (Sitte). De Lukas Porro esch de Gschäftsfüehrer vo de Lägerbräu. D Nationalmannschaft hed sech bereits drü mol zume gemeinsame Training troffe. A dene Trainings wird trainiert Bierstil und Bier-Flavours rechtig z erkenne und d Bierpräsentation vor Publikum werd güebt. S vierti Träffe, wo Schwiizer Bierbrauerverband organisiert word, hed am 31. Auguscht be de Lägerebräu stattgfunde.
Bi de WM gits z erscht 10 Bierstil, wo me muess usefinde, welle Bierstiel im Glas isch. Danach chunnd d Theorie mit 20 Froge zu Biergschicht, -stil, Braugschicht, ….
Im Aaschluss chund en ächte Useforderig, s Erkenne vo «Offflovours». Do wird eme Spate-Lagerbier en Fremdgschmack bigmischt,wo me muss useschmöcke.
Zum Schluss chömmed di beschte acht in d Endrundi, wo sie 5 Minute hend, zum es Bier präsentiere. Das isch d Königsdisziplin. Bim 4. Trainig het de Lukas es Guinness ohni Alkohol müesse präsentiere, aber luege eifach selber: