E Linde für de Jahrgang 2004

Es sind 33 jungi Erwachseni mit Jahrgang 2004 gsi, wo d Iiladig vom Gmeindrat aagnoh hend, zum an de Mündigkeitsfiir teilzneh. Zum erschte Mol isch en Baum speziell für de Jahrgang pflanzt worde.
Mit de Mündigkeitsffir begrpüesst d Gmeind jewils im Spotsommer die Wettigerinne und Wettiger, wo i dem Johr achtzehni werde. De Aalass, wo vo de Chinder- und Jugendkommission organisiert wird, het i dem Johr en noie Teilnehmerrekord gha.
Nach de Begrüessig dur de zueständig Gmeindrat Philippe Rey und de Gmeindamme Roland Kuster sind di junge Erwachsene in de Brüehlpark gange und hend de erscht «Jahrgangsbaum» pflanzed. Dodemit isch s Postulat «Bäume pflanzen für die Wettinger Jugend» umgsetzt worde.

Bim aaschliessende Apéro, wo au d Möglichkeit bestande het und rege gnutzt worde isch, mit Politikerinne und Politiker ins Gschpröch z cho. Bi de Iiwohnerratssitzig, wo di junge Erwachseni e halb Stund zueglosst hend, sind si vom Iiwohnerratspräsident Lutz Fischer-Lamprecht speziell begrüesst worde.

De Abe het dann mit eme gmüetliche Zämmesi bi eme feine Nachtesse im TexMex, eme Give-away vo de Gmeind und eme Guetschii für en Bsuech im Tägi sin Abschluss gfunde.