Scho zum 13. Mol het de Rotary Club Wettige-Heitersberg Fredi’s Rotary Grümpi für Mönsche mit ere Beiträchtigung organisiert. D Teams Hemd wider viel Spass am Tschute gha.
S Turnier, wo zu Ehre vom Initiant, em Fredy Isch, wo im 2013 gstorbe isch, Fredy’s Rotary Grümpi heisst, isch wider en tolle Aalass gsi. Mönsche mit unterschiedliche Beiträchtigunge, wo in verschieden Stärkeklasse aaträte sind, hend ihri jährlichi Meischterschaft chönne spiele. In de Tschällänsch-Liga isch s Team Ponte Kickers Windisch II de Sieger gsi, in de Top- und de Super-Liga hend d Gwünner Traktor 1915 und Fox Kickers gheisse. D Freud isch bsunders bi Goal gross gsi und meh wie 110 Mal het chönne gjubled werde. Für alli Teilnehmende het es als Krönig vom erläbnisriche Tag e Medaille geh und für d Siegerteams vo de jewilige Liga au en Pokal.
Scho jetzt cha me sich s Turnier für di nächschte Johr iiträge: Immer am 3. Samschtig im August sell es au weiterhin stattfinde, im 2023 als am 19. August, em erschte Wochenend vo de Badefahrt.