Hüt, Sonntig, 13. Februar 2022 esch d Ersatzwahl für de letschti Sitz im Gmeindrat gsi. Gwählt worde esch de Markus …
De Markus Haas und de Markus Bader, beidi ehemaligi Füürwehrlüt und de eint numme ein Tag älter, wie de ander, händ somit einigi Gmeinsamkeite, aber au einigi Unterschied. Bsunders uffällig sind zwei: De Markus Haas het scho Erfahrig als Gmeindrat, esch er doch scho vier Jahr im Amt gsi. De zweit esch, dass er vo de Ortspartei e breiti Unterstützig gha het. Sini Partei, d FDP hed ihn nominiert, aber zur Wahl empfohle händ ihn au Die Mitte CVP, d SP, d GLP, WettiGrüen, d EVP und s Forum 5430, während de Markus Bader numme vo sinere Partei, de SVP unterstützt worde esch.
Die breiti Unterstützig het sich uszahlt und de Markus Haas esch mit 3509 Stimme gwählt worde, während de Markus Bader numme 1479 Stimme übecho het. S Absoluti Mehr het bi 2’543 gläge. De Amtsaatritt vom Markus Haas esch per sofort, wil d Amtsperiode ja scho ahgfange hed.