Meteo Schwiiz warnt vor em nächschte Sturm. Vo Sunntig uf Mentig Nacht wirds wider ungmüetlich.
«Wind Stufe 3» heissts uf de Website vo MeteoSchwiiz und «erhebliche Gefahr». Das gilt fürs ganze Limmattal, eigentli fürs ganze Mittelland. In tüüfere Lage isch mit maximale Böen vo 80 bis 110 km/h z rächne, schriibt MeteoSchwiiz. In de Hochalpe chönnd es sogar 120 bis 140 km/h geh. D Warnig bezieht sich uf d Ziit vo Sunntig um Zähni am Abe bis am Mentig um Zwöi am Namittag. Di stärkschti Phase isch für Mentigmorge vo de Vieri bis um Achti z erwarte.
Es loht sich, alles wo dusse durch d Gegend chönnd flüge entweder inne z neh oder z sichere.