D Initiative «Lebendiges Wettige» chond z’stand

Au wenn’s durch d Pandemie schwerig gsi esch, Unterschrifte z sammle, sind die notwendige Unterschrifte für die Initiative zämme cho. Das teilt s Initiativkommitee mit.

D Initiative «Lebendiges Wettige» esch voll uf Kurs, schriibed d Intiante innere Mediemitteilig. De Wandel und es attraktivs Wettige siged zur Ziit «in vieler Munde». Es sig aber ned immer klar, was genau gmeint esch. Für d Mensche, wo d Initiative unterstützt hend, sig klar, dass d Lebensqualität von ere Gmeind vo vielne Faktore abhängig esch, ned numme vom Stüürfuess. D Initiative wot, dass die freiwillige Leistige vo de Gmeind an verschiednigi Bevölkerigsgruppe und Sparte in de Gmeindordnig verbindlich und gliichwohl flexibel greglet werde: d Musikschuel, kulturelli und sportlichi Aktivitäte, d Gmeindbibliothek, Freizitaagebot und Leistige as Alter.

Wann d Initiative zur Abstimmig chunnd, esch no offe.