Uf de Simon Dankwa folgt de Lukas Porro. In de Bierszene isch er e bekannti Grössi.
Wi d Brauerei LägereBräu mitteilt, wird de Lukas Porro ab April 2022 di operativ Leitig vo de Brauerei überneh. Der het sibe Johr Füehrigserfahrig in ere Grossbrauerei und isch Mitglied vo de Schwiizer Biersommelier-Nationalmannschaft. Dodemit brigt er di nötig Erfahrig und es wertvolls Netzwerk mit, isch de Verwaltigsrat sicher. De Simon Dankwa, de bisherig Gschäftsfüehrer, verlaht d Brauerei zum eigedi Gastroprojekt witerzentwickle.
De Thomas Benz, Gründer und Verwaltigsratspräsident vo de LägereBräu isch überzügt, dass «mir mit em Lukas die hervorragend Basis vom Simon und sim Team chönnd witerfüehre und usbaue». S Ziel wird si, nach de schwierige Corona-Zit wieder voll durchzstarte und d Absätz vo de Bierspezialitäte z fördere.