D Dame vo Rotwys sind Schwiizermeischter

Foti: Alfred Wälti

Nach ere turbulente Hallesaison gwünned d Dame vom Hockeyclub Rotwys d Schwiizermeischterschaft. Dodefür hets aber es Shoot Out bruchd.
Wie Rotwys schriibd, het d Saison vili Useforderige mit sich brochd: Kurzfristig hend zwei Dameteams in de NLA gspield, Corona und Verletzige hend zu vilne Usfäll gfühert, de Trainer sig am Aaschlag gsi, …
D Dame vo Rotwyss hend sich aber ned lah bremse und hend am Samschtig und Sunntig, wie au d Manner, z Pfäffike bim Finalturnier gspield und, anderscht wie d Manner, de Final gwonne.
Nach em 5-1 gege Basel im Halbfinal hend d Wettigerinne de Luzerner SC als Gegener gha. Hinte sind di Rotwysse stabil gstande und vorne hend si realtiv schnell es Goal gmachd. Leider isch es ned glunge, trotz guete Chance, no es zwöits oder dritts Goal z schüsse. Das het sich grächt, wo de LSC zu de 1. Ecke cho isch und de Usglich gschosse het. Beide Teams isch in de regulare Spielzit keis Goal me glunge, so dass es zum Shoot Out cho isch. Dete isch d Goalifrau zur Matchwinnerin worde. D Flu het beidi Shoot Outs ghebt, d Wettigerinne hend ihri beide Goal gmachd und RWW isch Schwizermeischter gsi!
Härzliche Glückwunsch!