Sturmwarnig für d Nacht vo Sunntig uf Mentig

Meteo Schwiiz warnt voreme Sturm. Vo Sunntig uf Mentig Nacht wirds vermuetlich ungmüetlich.

«Wind Stufe 3» heissts uf de Website vo MeteoSchwiiz und «erhebliche Gefahr». Das gilt fürs ganze Limmattal, eigentli fürs ganze Mittelland. In tüüfere Lage isch mit maximale Böen vo 70 bis 110 km/h z rächne, schriibt MeteoSchwiiz. In de Hochalpe chönnd es sogar 100 bis 160 km/h geh. D Warnig bezieht sich uf d Ziit vo Sunntig um Föifi am Abe bis am Mentig um Sächsi am Morge, während di stärkschti Phase zwüsche Sunntig um Achti am Aber bis am Mentigmorge um Drü z erwarte isch.
Es loht sich, alles wo dusse durch d Gegend chönnd flüge entweder inne z neh oder z sichere.