Jedes Johr am erste Mittwoch im Februar werded in de Schwiiz d Sirene teschtet. So au hüt, 2. Februar 2022.
Bi de Sirenekontrolle werded jewils di stationäre und di mobile Sirene teschtet, wo im Ernschtfall d Bevölkerig würded allarmiere. Vom Halbizwöi bis um Zwöi wird s Signal für en «allgemeine Alarm» usglöst, en uf- und absteigende Ton, wo e Minute duured. We de Ton ned innerhalb vo dere halb Stund z höre isch, de sell me Radio losse und Nachbuure informiire. Unter sirenentest.ch find me Hiwiis und Verhaltensregle.
Unterhalb vo de Staumuur Wettige wird zudem de Wasseralarm teschted. De Tescht finded vom Virtelabzwöi bis um Viirtelabdrü statt. S Zeiche für de Wasseralarm sind zwölf tüüfi Duurtön vo je 20 Sekunde miteme Abstand vo 10 Sekunde zwüsche de Tön. Im Alarmfall würd immer erscht s Signal für de «allgemeine Alarm» usglöst und bi ere Alarmiirig muess me s gfährdete Gebiet sofort verlah.
I jedem Fall isch de Aawisig vo de Behörde Folge z leischte.