D Sanierung vom Tägi cha für 37.76 Mio. Franke abgrechned werde

D Kreditabrechnig für de Baukredit, inkl. Nachtragskredit liid vor. Es sind brutto 53’402’518 (inkl. MwSt.) Franke. D Kosteüberschritig liid tüürigsbereiniged bi 1‘408‘949 Franke respektive +2.5 %.

Das im 1974 eröffnete Tägi het grundlegend saniert müesse werde. Das esch im Blick uf die technische Installatione jetzt gmachd worde und mit Aapassige, wie em Dach über eim Iisfäld oder em Becki für ganz chlini Chind, het me au gezielt versueched, d Attraktivität z steigere. Dodefür hets Wettiger Stimmvolk im November 2016 de Baukredit gnehmiged gha und am 9. März 2018 esch de Spatestich gsi. D Bauarbeite hend im März 2020 chönne abgschlosse werde.

In politische, aber au wite Chreise vo de Bevölkerig esch d Kreditabrechnig vom Tägi mit Spannig erwartet worde. De Gsamtbetrag vo über 53 Millione Franke belastet d Gmeind dütlich geringer, wil Biträg vom Swisslos Sportfond und de BadeRegio-Gmeinde sich uf 15.666 Mio. Franke summiered.