Wie s Tägi mitteild, isch de Urs Kamberger de noii CEO. Scho am 17. Januar 2022 het er sini Stell aaträte.
De Urs Kamberger isch de Nachfolger vom Marco Baumann, wo uf Ändi 2021 zur Swiss Hockey Federation gewechselt gha het. De Verwaltigsrat vo de Tägi AG isch überzügd, mit em Urs Kamberger en dynamische, teamorientierte CEO gfunde z ha, wonau Gastgeber- und Event-Erfahrig het.
De Urs Kamberger isch glernte Koch und het sit em 1998 s Diplom vo de Schwiizerische Hotelfachschuel z Lozärn. Bis im 2005 het er leitendi Positione im Gastronomie- und Eventsberiich gha und in de letschte 10 Johr het er bi de Boost Group gschaffed. Zletscht isch er als Head of Sales & Customer Service Mitglied vo de Gschäftsleitig.