Geschter, Mittwoch, 10. November 2021 isch Füürwehr a de Landstrass 125 im Iisatz. Zwöi Persone hend zur Kontrolle ins Spital müesse.
Es isch um Viertelvorvieri am Namittag gsi, wo am Mittwich bi de Füürwehr en Alarm iigange isch: «Brand gross» inere Parterrewohnig a de Landstrass 125.
D Füürwehr isch miteme Grossufgebot cho, au de Hubretter isch im Iisatz gsi. D Polizei het für d Löscharbeite d Landstrass uf em Abschnitt Bahnhofstrass/Märzegass müesse sperre. De Brand selber het d Füürwehr schnell unter Kontrolle gha. In de Wohnig hets aber grosse Sachschade geh und zwöi Lüt hend zur Kontrolle ins Spital müesse.
D Polizei het d Ermittlige ufgnoh, um d Brandursach usezfinde. E technischi Ursach stoht bi de Ermittlige im Vordergrund.