D Kunstschau 5430 isch numme no hüt, Samschtig offe!!

Nachdem d Kunstschau 5430 i dem Johr erscht am Mittwoch, 16. Dezember het chönne öffne, isch morn (mir hend de Artikel am Fritig veröffentlicht), Samschtig, 19. scho wider Schluss. Zwüsche Drü am Namittag und em Sächsi am Abe isch di letscht Chance, di Kunstschau aazluege.
S Coronavirus macht ois allne s Läbe schwer und d Massnahme vom Bundesrat, wo helfed s Virus iizschränke, sind au en Useforderig. Ab em Tsischtig müend alli Musee und Galerie ned numme am Sunntig zue tue, sondern werded ganz gschlosse.
Das trifft au s Gluri Suter Huus und s Museum Eduard Spörri, wo d Kunstschau 5430 am letschte Sunntig, 12. Dezember 2020 hed selle eröffned werde. Wege de Massnahme vom 11. Dezember het d Eröffnig uf vorgseschter, 16. Dezember verschobe werde müesse. Mit de Massnahme vo hüt, 18. Dezember muess d Usstellig ab em Mittwoch schlüsse. Wil d Öffnigszite zur Ziit vo Mittwoch bis Samschtig vo 15-18 Uhr sind, isch am Samschtig, 19. Dezember 2020 s letschti Mol offe. En Bsuech vo de Usstellig lohnt sich und mir zeiged oich en Uswahl an Kunstwerk: