Au i dem Johr wend de Samichlaus und sini Schmutzli d Chend z Wettige bsueche. Us de bekannte Gründ, cha das aber da Johr ned im gwohnte Rahme stattfinde.
Damit de (katholisch) Samichlaus glich möglichst veel Chend cha treffe und glich sämtlichi Vorsechtsmassnahme cha ihalte, bietet er folgendes ah:
De Samichlaus god ned zo de Chend und Familiene dehieme verbii, sondern d Familiene und Chend gönd das Johr zom Samichlaus. Für die Bsüech nimmt sech de Samichlaus am Samschtig, 5. und Sonntig, 6. Dezember 2020 zwüsche 14 und 20 Uhr Ziit. Es wird ame ruhige Ort si, so dass es für all es stimmigs Erlebnis wird. Anmeldige chönd sit em 6. November und bis am 20. November via Huus-Siite gmacht werde. Spöteschtens ei Woche vor dem Träffe, erfahred d Familiene und d Chend de Ziitpunkt und Ort vom Bsuech bem Samichlaus.
De Link zo de Huus-Site und de Anmeldig: https://www.pastoralraum-aargauer-limmattal.ch/kath-wettingen/aktuell/informationen/de-samichlaus-chunnt-uf-wettige-3/