In de letschte Johr isch es bi Chind immer beliebter worde, vo Tür zu Tür z ziehe, um Süessigkeit iizsammle. D Kantonspolizei bittet drum, das i dem Johr si z lah.
De Bundesrot het am letschte Mittwoch d Massnahme gege d Verbreitig vom Coronavirus verschärft. Gliichwohl isch zum Schutz vo de Wirtschaft und zum Ufrächterhalte vo de Sozialkontäkt viles mögli, wo im Früejohr bim Lockdown verbote gsi isch. Statt uf Verbot setzt d Regierig immer no in vilne Bereich uf d Eigeverantwortig, wi zum Bischpil in de Restaurant, wo me immer no z viert dörf go ässe. We me sich aber jede Tag mit andere drü Lüt trifft, dann isch es kei Reduktion vo de Kontäkt, wo gege d Usbreitig vom Virus aber wichtig wär.
So isch es au hüt am Abe ned verbote, vo Huus zu Huus z goh und «Süesses oder Suures» z säge. Aber s Risiko, dass s Virus dodurch witer verbreited wird, isch höch. Us dem Grund bitted d Kapo i dem Johr, do druf z verzichte.