CVP stellt de Atrag, dass d Tägi AG allne Wettiger Schüeler en choschtelosi Jahrescharte zur Verfüegig stellt. Im Budget vo Fr. 180’000.- söll das umgsetzt werde.
Statt normali Einzelitritt, sölled d Chind för de gliechi Betrag es Johresabo vo de Tägi AG becho. De Atrag werd vom Gmeindrot ond de Tägi AG prüeft, damit d Umsetzig so rasch wie möglich chan erfolge.
Begründig: Gmäss Leischtigsvertrag zwösched de Gmeind on de Tägi AG muess för jede Schüeler de normali Itrittspries vo 4 Franke zahlt werde. För das send Fr. 180’000.- budgetiert worde. Verteilt mer das uf alli ca. 2’000 Schüeler erget das 90 Franke pro Chind. Gmäss Prieslischte vom Tägi choschtet es Johresabo för Wettiger Chind vo 6 bis 16 jöhrig 88 Franke. D Wettiger Schuele zählet zu de gröschte Kunde vo de Tägi AG. Statt die 90 Franke pro Schüeler in Einzelitritt z verpuffe, söll jede Schüeler koschtelos vomene Johresabo im Wert vo 88 Franke becho. Das bringt en Mehrwert för d Jugend ond för d Familie. Bewegig wird gförderet ond d Wettiger Familie werdet zumene Bsuech im Tägi animiert. Zu all dem entlaschtet mer s Hushaltsbudget vo 1’000 Franke. Au s Tägi chan profitiere: Keini langi Warteschlange vor de Kasse ond bestimmt me Familie, wo s Tägi werdet nutze. .. (Ursi Depentor)