Hunziker2020 – Uf dr Gass

E Veranstaltigs-Reihe ganz im Zeiche vo de Aargauer Mundart chund au uf Wettige.

Sit em Januar 2020 esch s Aargauer Wörterbuech vom Jakob Hunziker us em Johr 1877 in digitaler Form zuegänglich für alli (www.hunziker2020.ch). Das Wörterbuech esch veel meh wie nume e Uflischtig vo Wörter, es hed Redewendige, Churzgschechte, Chenderversli und und no veeles meh drin zum entdecke.

Sit das veröffentlicht worde esch, esch au d Aargauer Bevölkerig herzlich iglade, sech dra z beteilige, med eigene Wörter, Bedütige oder was au immer dri passt z ergänze. S Ziel debii esch, das Werk is 21 Jahrhundert z bringe.

Sit denn setzed sech d Projektleitig underm Matthias Friedli und em Dieter Studer-Joho, sowie 12 Aargauer Autor*inne demit usenand. So zum Biispiel esch s Radio Aargovia und d Aargauer Ziitig mit ere wöchentliche Mundardserie aktiv debii.

D Initiante vo dem Projekt reised im Herbscht quer dur de Aargau. Gstartet hed die Reihe vo Podiumsdiskusione und Lesige rund um d Mundart scho am 13. September z Zofige und am 18. September z Laufeburg. Die nöchste zwöi Veranstaltige finded am Mittwoch 14. Oktober, 19.30 Uhr i de Kantonsbiblothek z Aarau statt, mit de Patti Basler, em Simon Libsig und de Eva Seck und am Sonntig 18. Oktober, 10.30 Uhr im Sternesaal z Wohle, mit em Reinhold Bruder und de Nathalie Schmid. Als Gast esch det Christine Egerszegi iglade.

Euses «Highlight» esch di dritt Veranstaltig. Zum Abschluss chond die Veranstaltigsreihe no uf Wettige id Aula von de Kanti am 25. Oktober, 10.30 Uhr. Det debii esch de Andreas Neeser, d Claudia Storz. Als Gast wäred mer vo de Wettiger-Nochrichte, dur de Fabian Schmid vertrette gsi, aber us de gebenene Situation, nehmet mer ned Teil ..

Wie immer findet ihr be Intresse meh uf de Huus-Sitte:
https://www.hunziker2020.ch/projekt/uf-dr-gass