De Beat Schlatter chunnd uf Wettige

Beat Schlatter (zVg)

Zum föifte Mol het de reformiert Pfarrer Lutz Fischer-Lamprecht en Gastprediger iiglade. Diesmol esch es de Beat Schlatter, wo i de Chile a de Etzelstrass uf d Kanzle stige wird.
«Beat Schlatter predigt …» heissts uf de Iiladig zum Gottesdienst vo de reformierte Chile Wettige-Noiehof. Am 18. Oktober 2020 um 9.30 Uhr fiired d Chilegmeind de Gottesdienst mit em diesjährige Gastprediger. Me dörf gschpannd si, über welles Thema de bekannt Kabarettist predige wird.
En Gastprediger lad de Lutz Fischer-Lamprecht i dem Johr zum 5. Mol ii. Nachdem mit de Kafi Freitag im 2016 und em Reda El Arbi im 2017 zwöi Blogger, mit de Susanne Hochuli im 2018 e Politikeri und mit de Regula Stämpfli im 2019 e Politologin uf de Kanzle gstande sind, isch es i dem Johr zum erschte Mol en Kabarettist.