D Spring AG zügled demnächscht weg vo Wettige. De Wegzug vo de Spring AG zügt vom ständige Wandel z Wettige: weg vo der Produktion im Dorfzentrum hin zu Wohnen und Dienstleischtige.
Mir wend zum Abschied vo de Spring AG en Blick uf d Gschicht vo dem Familieunternehme werfe, wo in de Zwüscheziit in de Händ vo de 3. Generation ligd.
Gründet worde isch d Firma im 1936 vom Fritz Spring. Bis hüt isch si en reine Familiebetrieb. Am Anfang hed me Schweisstransformatore und Schaltapparät gmacht. Später het sich d Spring AG als Nische-Zueliferer für d Bahnindustrie etabliert und Spezialschalter für Lokomotive produziert. Von 1975 bis 2000 isch sie zudem für extrem hochwertige Isebahn-Modellbau (Spur 0/1) bekannt gsi. Nach über 90 Jahr verlood di traditionsrichi Familien-AG de Sitz an de Bahnhofschtross. Der Grund sind Platzmangel für moderne Maschine, schwirigi Logistik im Zentrum und fehlendi Erwiterigsfläche. D Spring AG zügled i en neue Gwerbe- und Wohnneubau z Dättwil.
Druck uf s produziernede Gwerb im Zentrum
D Spring AG isch ja ned di erscht Traditionsfirma, wo vo Wettige wegzügled. Um numme e paar z nenne: D Häfliger AG, Holzbau Fleischmann, demnächscht d Schriinerei Berz, aber au d Druckerei Egloff und anderi sind us em Dorf weg oder hend ganz gschlosse. Stigendi Bodenprise, kein Platz zum s Areal vergrössere, de Lärmschutz und Verdichtig hend zu dere Entwicklig gfühert.