D Regionalpolizei Wettige-Limmattal (Repol) suecht de direkt Ustuusch mit de Bevölkerig. Morn, Samschitg, isch si vom 10i bis um 12i am Vormittag vor em Rothuus.
D Idee vom «Bürgerdialog» isch im letschte Johr entstande, wo Aaghörigi vo de Regionalpolizei feschtgstellt hend, dass es Vorurteil und teilwiis falschi Vorstellige devo git, wie d Polizei duet schaffe. Au het d Bevölkerig teilwiis Hemmige, Polizischtinne und Polizischte während de Polizeiarbet aazspräche. Au d Hemmige, bi verdächtige Ereignis d Polizei umgehend z informiere, sind feschtzstelle. Mit dem «Bürgerdialog» suechd d Repol bewusst de Kontakt zu de Iiwohnerinne und Iiwohner, beantwortrt Froge und stoht de Bevölkerig für ihri Aalige zur Verfüegig.
Nebem Abbau vo Hemmige wot d Repol au ufzeige, dass di lokal Polizeiarbet sinnvoll isch. Es sind bewusst Erwachseni aagschproche und es git keis Rahmeprogramm für Chind! Gönd doch am Samschtig, 27. Juni 2026 zwüsche 10i und 12i zum Rothuus und sueched s Gspröch mit oisere Polizei! D Repol froit sich uf vili Bsuecherinne und Bsuecher.