Wer vo Wettige uf Neuehof fahrt hed secher die Baustell scho gseh nebem Zollhuus be de alte Holzbrugg uf de Chlosterhalbinsle. Bem Chraftwerch z Wettige findet aktuell bsonderi Bauarbeite statt.
D Fischtreppe, wo im 2007/2008 als längschti Fischtreppe vo Europa baud worden isch, wird erneuered. De Grund esch, dass bi de alte de Ufstieg für d Fisch ned optimal gsi esch. Sit em Juni send d Vorbereitige aagloffe. Jetzt gseht mer scho ordentlich was gloffe esch. Es esch e Baupiste vo de Wettigersitte uf d Neuehofersitte baut worde zum die eigentlich Baustell z erreiche. Die Bauarbeite gönd vorussichtlich bis im Juli 2027.
