Am 14. Juni 2026 stoht de Projekierigskredit für d Schuellandschaft margelächer zur Abstimmig. Am Pfingschtsamschtig het sich d Bevölkerig ineme spannende und usergwöhnliche Inforparcours über s Projäkt chönne informiere.
Statt ere trochene Infoveraastaltig hend di Verantwortliche vo de Gmeind für d Information für d Bevölkerig en bsundere Wäg gwählt: Es het en Info-Parcours für Jung und Alt geh. So het me chönne erfahre, dass es sich bi de Schuellandschaft Margelächer um s zentralschte Projäkt in de vergangene Johr goht, bi dem vili intensiv mitgschaffed hend. Chind und Jugendlichi sind bi dem Infoaalass in de Gnuss vo Spiel und Spass cho, wo d Jugendarbet Wettig eund de Tagesstern Wettige organisiert hend. Glichzitig hend wertvolli Kontäkt zwüsche Betroiende und Chind chönne chnüpft werde. Gliichzitig hend sich di Interessierte in de Aula Margelächer us erschte Hand chönne informiere. Lüt us de Politik, de Verwaltig, vo de Verein und d Architkete vom Siegerprojäkt vo Burkhard Meyer, Ännetwettige, hend ihre Blick uf s Projäkt chönne ufzeige und hend Froge beantwortet. Abgrunded worde isch de Aalass mit spannende Churzinputs in Form vomene moderierte Talk mit jewils drü Froge und drü Antworte.
De Infoparcours isch en volle Erfolg gsi, bi dem di Bsuechende hend chönne abgholt und umfassend informiert werde, schriibd d Gmeind innere Mitteilig. Jetzt ligd es in de Händ vo de Stimmbevölkerig, wo am 14. juni über de Projektierigskredit wird entscheide.