«Bonjour Nature» esch es Projekt, wo Schwiizer Gärte lebendiger und natürlicher wot mache. Statt betonierte Fläche und Englischem Rase goht’s drum, Gärte so z gstalte, dass Vögel, Insekte und Wildpflanze en natürliche Platz finde würde.
Am Wochenendi vo de offene Schmetterlingsgärte cha me au in Wettige zwöi Gärte goh bsueche, wo zum Netzwärk «Bonjour Nature» ghöred. Mit «Bonjour Nature» wot Pro Natura es riisigs, schwiizwits Netzwärk (es «Mosaik») us Naturgärte schaffe. De Robert Kreimel an de Sulzbergstross 2 öffned sin Garte am Samschtig, 23. Mai 2026 vom 6i am Abe bis um 8i. Der vo de Brigitte Schmon a de Schönaustross 36 isch vo Fritig, 22. bis Sunntig, 24. Mai jewils vom 2 am Namittag bis um 6i offe.
«De Garte esch no vo de Generation vor eus agleit worde. Mir händ en vor e paar Joor dörfe übernä und hend schrittwis aagfange, s Bestehende z pflege, Neophythe zruggzdränge und iiheimischi Pflanze – vor allem Stuude – aazsidle. Underem Weideboge cha mer wunderbar im Schatte sitze, d Natur beobachte und eifach gnüsse. De Biinechorb mit de Honigbiine und die veele verschidene Nistplätz für Wildbiine (wie Muurbiine und Erdbiine) passed perfekt zäme. Und wenn denn no d Hühner, d Änte und d Gäns verbilueged, isch das s absolute Highlight im Garte», said de Robert Kreimel.
Gönd verbii und lönd Euch inspiriere.