De Beat Rölli verlohd d Gmeind Wettige. Er het erscht im letschte Johr d Nachfolg vom Martin Frey übernoh.
Wie de Gmeindrot in sinere Mediemitteilig schriibd, beduured er de Entscheid vom Beat Rölli, sini Aastellig als Leiter Finanze vo de Iiwohnergmeind uf Ändi April 2026 z beende.
Er het, so de Gmeindrot, d Leitig vo de Abteilig Finanze vo sim Vorgänger hervorragend übernoh gha und sich in chürzester Ziit dur sis grosse Fachwissen und sini empathischi Art in de Verwaltig und in de Politik es grosses Vertraue ufbaud. D Kündigung erfolgd us persönliche Gründ.