Am 25. Februar 2026 het de Kapelleverein Wettige im Pfarreiheim St. Sebastian sini Generalversammlig abghalte. De Präsident Markus Brunner het zahlriichi Miglider und Gäscht chönne begrüesse.
Zerscht het de Frauebund Schwiiz sini wertvolli Arbet vorgstellt. De Kapelleverein het em Frauebund e Spend vo 4000.- Franke chönne übergeh, wo mit sim Solidaritätsfonds sit 50 Johr Fraue und Familie duet unterstützte. S Budget 2026 isch uf d Sulpergkapelle fokusiert gsi, wil da d Renovation aastoht. Bi de Wahle isch de Vorstand für witeri vier Johr gewählt worde.
Nach em offizielle Teil, wo de Markus Brunner mit eme bsundere Dank an sini Frau Elke beendet het, isch es zum gmüetliche Teil übergange. Bi feinem Beischinke und Härdöpfelsalat vo de Metzgerei Felder het mer de Abig in bester Gsellschaft usklinge lah.