Am Fritig startet z Dütschland d Fuessball-EM vo de Männer. D Schwiiz isch natürli mit debi!
Vom 14. Juni bis zum 14. Juli 2024 findet i eusem Nachbarland Dütschland d Europameisterschafft im Fuessball statt. Mer sends eus scho fast gwönnt, dass d Schwiiz au debii esch. Dasmol i de Gruppe A mit em Gastgeber Dütschland, Schottland und Ungarn. D Schwiiz spielt s erste Spiel gege Ungarn am 15. Juni am Drü am Namittag. Am 19. Juni isch de zwöit Match. D Schwiiz tschutet gege Schottland an Nüni am Abe und am 23. Juni, wider am Nüni gohts no gege Dütschland.
I andere Johr, wenn so es Fuessballgrossereigniss stattgfunde hed, heds a fast jedem Egge es Public Viewing gä. Das Johr muess mer söttig Ort z Wettige und z Bade witt ume go sueche. D Insel-Arena, wo immer en zuverlässige Ort gsi esch, geds nümm! Aktuell send eus die folgende Ort bekannt.
Z Wettige: i de Tiger-Bar im chliine Saal und im Café Spatz.
Z Ännetwettige: im Restaurant Spedition, Müllerbräu-Biergarte trotz de Baustell …
z Würelos: im Tägi be de Ritthalle/SVW ..
Update: uf dere Huus-Sitte findet Ihr no meh Info’s: https://deinbaden.ch/de/erleben/essen-ausgehen/essen-ausgehen-restaurants/em-public-viewings
Hopp Schwiiz!