Wie d Kantonspolizei (Kapo) innere Mediemitteilig schriibd, wird sit hüt, churz nach Mitternacht, en 27-jährige Maa vermisst. Er isch nacheme Sturz in d Limmig am Donnschtigvormittag bim Chraftwerk Aue tot ufgfunde worde.
Am Donnschtig, 9. Mai 2024 isch öppe um Eis i de Nacht bi de kantonale Notruefzentral e Meldig iigange, dass e Person in d Limmig gheit sig. D Polizei isch schenll vor Ort gsi und het festgstellt, dass en 24-jährige Schwiizer im steile, felsige Gländ gegenüber vo de Webermühli festgsesse isch. Glichzeitig het sich d Befürchtig bestätiged, so schriibd d Kapo, dass en witere Maa im Fluss isch. Us dem Grund het d Kapo e grossaglegti Suechaktion gsartet, an dere mehreri Boot, Polizeipatrouille und au zwöi Rettigshelikopter beteiliged si gsi.
Pontoniere hend es gschaffd, de numm vom Wasser us erreichbare Maa vom Felshang ans Ufer z bringe. Er isch mit de Ambulanz ins Spital brochd worde. De 27-jährig Schwiizer, wo im Fluss vermisst worde isch, het me zerscht ned chönne finde, so dass d Suechi in de frühe Morgestunde abbroche worde isch. Am Mittag her es dann di truurig Gwisseit geh, dass de Maa gstorbe isch. Sin Lichnam isch bim Chraftwerk Aue z Ännetwettige gfunde worde.
Bis jetzt het d Polizei usegfunde, dass sich de 24-Jährig vonere private Fiir entfernt gha het, sin Begleiter ihn gsuecht und am ufer vo de Limmig entdeckt gha het. Schint isch letschtere dann bim Versuech, sim Kolleg z hälfe, abgstürzt und in d Limmig gheit. D Ermittlige zum genaue Hergang laufed.
*In de erschte Version vom Artikel isch de 27-jährig Maa no vermisst gsi. Mir hend de Artikel aktualisiert.