De Gmeindrat wot d Verwaltig für d Zuekunft rüste und setzt ufs Gschäftsleitigsmodell. Operativi und strategischi Ufgabe werded so klar trennt.
De Gmeindrat het s Füehrigsmodell vo de Gmeindverwaltig in de letschte einehalb Johr iigehend prüefd. Au di politische Parteie und d Abteiligsleiter sind in den Prozess iibezoge worde. Vor allem d Vermischig vo strategische und operative Theme isch es Problem und ihri Konzentration uf de Gmeindamme füehred zu Überlastig, Ineffizien und Konflikt, schriibd d Gmeind innere Mediemitteilig.
Mit de Iifüehrig vonere Gschäftsleitig ab Mitti 2025 wot de Gmeindrat d Entflechtig vo de operative und de strategische Ufgabe erreiche. Uf de politische Ebeni sell d Grössi vom Gmeindrat bi 7 Personbe bliibe.
D Gschäftsleitig wird sich ab em 1. Juli 2025 us em Gschäftsleiter*, em Leiter Finanze, em Leiter Bau&Planig und em Leiter vo de Kanzlei zämmesetze. Uf e politischi Reform wird us verschidnige Gründ verzichtet. Zum Erschte isch d Gmeindordnig grad uf di letscht Legislatur aapassd worde, zum Zwöite het sich d Zahl vo sibe Mitglieder bewährt und ermöglicht e repräsentativi politischi Mitwirkig im Gmeindrat und zum Dritte wird d Verwaltigsreform en useforderig, wo gnueg Ressource bruuchd. E Verchlinerig vom Gmeindrat sell dann in de folgende Legislatur prüefd werde, wenn sich s Gschäftsleitigsmodell etabliert het.
* Mir verwended s generische Maskulinum, bis sich bi de Diskussion um I, *, : und _ en gsellschaftliche Konsens abzeichned.