Fans vom «gepflägte Fuschtkampf» hend länger müesse warte, bis es z Ännetwettige in de Trafohalle zuere Noiuflag vo de Boxgala chunnd. Am Samschtig, 11. März 2023 isch es so wit.
Sächs Boxkämpf sind planed und de Hauptkampf wird s Duell im Schwergwicht zwüschem Stefan Rumpold und em Robert Grguric si. De Stefan Rumpold isch au scho bi de Boxgala im 2021 im Ring gstande. Sini 8 Profikämpf als Schwergwichtsboxer het er alli für sich chönne entscheide, vier devo het er per k.o. gwonne. Im Kampf gegen de Grguric goht’s um de Titel «WBF International».
Bi de witere Duell träted de Rico «Ramba» Giger, de Dominik Ameri, d Michaela Kotásková, de Seun Salami und de Mobin Kahraze aa.
Witeri Infos und Tickets gits do: https://www.boxgalabaden.ch/