Sit em Aafang vo de neue Legislatur bilded d «Die Mitte CVP» und d EVP im Iiwohnerrat d «Mitti-Fraktion». «Die Mitte CVP» het jetzt s «CVP» gstriche, was sich au uf de Fraktionsname uswirkt.
Im Januar 2022 isch d Wettiger Politik in e neui Legislaturperiode gstarted und durch s (vorübergehendi?) Usscheide vom Forum 5430 us de Wettiger Politik het sich d EVP mit «Die Mitte CVP» zuere Fraktion zämmegschlosse. Die beide Mitte-Parteie hend dodebi uf ihri Parteibezeichnige verzichted. Mit dem Striche vo de «CVP» us em Parteiname, wo d Partei bi ihre GV Ändi Februar bschlosse het, wär aber de Unterschied zwüsche «Mitte» und «Die Mitte» z wenig dütlich worde. So heisst d Fraktion neu «Fraktion Die Mitte-EVP», wie si im Fraktionsbricht für d Iiwohnerratssitzig vom Donnschtig mitteild.