S Tägi het de Stromusfall guet überstande

Wo am Mittwoch, 26. Oktober 2022 im Ostteil vo Wettige de Strom usgfalle isch, isch au s Tägi betroffe gsi. Mir hend vom Urs Kamberger, em CEO vo de Tägi AG welle wüsse, welli Folge de Stromusfall gha het.

Wettiger Nochrichte (WN): «S Tägi liegd ja im Oste vo Wettige und sind dodemit au vom Stromusfall betroffe gsi. Welli Folge het das gha?»

Urs Kamberger (UK): «D‘ Folge send imene guete Rahme blibe. Mer hend ali Gescht chöne informiere und beruhige.»

WN: «Welli Folge het es konkret gha? Ohni Strom funktioniert ja au bi oi vieles nüm.»

UK: «D’System hend guet funktioniert: De Lift het blockiert ond d’Türe sind uufgange. D Schiebetüre am Iigang hend gschlosse und blockiert, d Nottüre hemmer chöne in Betrieb neh, Notliechter hend brönnt. S‘ Halebad und d‘ Sauna sind wenig betroffe gsii, da d‘ Wärmi sich es paar Minute guet mag hebe und mir fascht überall Tagesliecht hend. Für üs isch es wichtig gsii, z‘ wüsse, ob s‘ Problem nur bi üs im Tägi isch und das hämmer über d‘ Funktelefonie schnell chöne uusschlüsse.»

WN: «Was hend ihr müesse mache, wo ihr wider Strom hend gha?»

UK: «Wenn de Strom zrugg isch, heisst, ali Aalageteil, Installationen, Grät ond Apperät wider ufe z‘ fahre. Das hät mit de Usnahm vo de Iisaalag ribigslos funktioniert. Det hämmer technischi Unterstützung vom Fachpartner übercho. Es defekts Teil het müese uustuuscht werde.»

WN: «Danke, liebe Urs für die spannende Iiblick und witehrin viel Erfolg und Froid mit em Tägi.»