Für Leseratte goht e schwirigi Ziit z End. Ab em Samschtig, 29. Oktober 2022 het d Gmeindbibliothek wider offe.
In de Bibliothek a de Mattestrass laufed d Vorbereitige uf Hochtoure. Nach em Umbau sell d Gmeindbibliothek am Samschtig um 10i am Morgen öffne. Am Namittag um 2 isch dann e chlini Eröffnigsfiir und danach gits en Apéro.
Für d Kundinne und Kunde git’s vieli paraktische Noierige. Me cha d Büecher selber ii- und usläse, das goht ganz schnell und meischt ohni Komplikatione. Wenn emol öppis ned funktioniert, stoht motiviertes Personal zur Unterstützig zur Verfüegig.
S Buechrückgabegstell, wo ihr uf de Foti mit de Bibliotheksleiteri Sabine Hofmann gsend, isch bsunders cool. Mit verroted ned meh, gönds go usprobiere.