D WyStern AG het am Donnschtig, 27. Oktober 2022 ihri zwöiti GV chönne dureführe. D Rächnig schlüüst mit ere rote Null.
D WyStern AG, wo am 21. August 2019 im Rothuussaal z Wettige gründ worde isch, het mit de Coronakrise, wo ab em Februar 2020 zuegschlage het, en denkbar schlächte Start verwütscht. Nach de tüüfrote Zahle im Gschäftsjohr 2020/21 het de Verwaltigsrat bi de GV am letschte Donnschtiog es dütlichs bessers Ergäbnis chönne präsentiere, wo zeiged, welles Potential d WyStern AG het. Numme 1’431.00 Fr. Verlust und das ineme Rebjohr, wo vo schwirige Wetterverhältnis und ere ehnder schlächte Ernte prägd gsi isch, aber mit ere guete Qualität vo de Wybeeri. Gschpannt si dörf me ufs Reb- und Gschäftsjahr 2022/23, wo mit em warme Sommer, ere frühe Lese und bisher ohni Coronamassnahme ganz anderst präsentiert.
D Stimmig isch bi de GV jedefalls guet gsi, di bisherige Vorstandsmitglieder, wo ausser em Stefan Meier alli wider kandidiert hend, sind eistimmig gwählt worde. Bim Stefan Meier sim Nachfolger, em Beat Brändli, hets ei Nei-Stimm geh, wil er kei Frau isch. S sich an d GV aaschlüssende Zämmesy bi Wy und Wurst isch debi, sich zuere schöne Tradition z entwickle.