Sit em 1985 engagiert sich s «Fahrende Zigeuner-Kultur-Zentrum» für d Recht von de Jenische, Sinti und Roma i de Schwiiz. Am Freitag und Samschtig, 3. und 4. Juni cha me s Kulturzentrum und d Zigeuner-Kultur uf de Zirkuswiese besser kennelehre.
S Programm, wo d Gnosseschaft «Fahrendes Zigeuner-Kultur-Zentrum» hüte und morn und de Zirkuswiese duet aabüte, isch vielfältig. Hüt, Fritag, 3. Juni 2022 isch scho sit em 2 bis am Abe um 10i «Buntes Markttreiben». Vom 6i bis um 8i isch de offiziell Empfang und dann bis um 10i am Abe Musik mit em Christian ‚Musi‘ Birchler (jenisch) und de Carmen ‚Nuni‘ Lehmann (sinti).
Am Samstig, 4. Juni 2022 isch wider vom 2 bis um 10i am Abe «Buntes Markttreiben», vom 2 bis um 6i de Tag vo de offene Wohnwäge, um 6i isch e Podiumsdiskussion zum Thema «Wer bin ich?» mit de Amanda Werro (Jenisch), de Carmen ‚Nuni‘ Lehmann (Sinti) und em Antonio ‚Balu‘ Carlos (Rom). Ab de 8i bis Mitternacht git’s dann Musik vomene DJ und in de Pausen Karaoke.
Im Rahmenprogramm hets traditionelli jenischi Schere- und Messerschleifer, Verpflägigsständ mit Spezialitäte us de jenische und de sinti Chuchi und e nostalgischi Fotiusstellig.