Schwimme bis Mitternacht, übernachte und Zmörgele i de Badi – das isch im Gartebad vom Tägi Wettige au i dem Johr wieder möglich. D «Zeltnacht ide Badi» find am 9. Juli und 13. August 2022 jewils vo Samschtig uf Sonntig statt.
Es bsunders Erläbnis für Familie und Campingfründe gits au i dem Johr wider im Tägi. Nachdem d Zeltnacht scho i de beide letschte Johr im Tägi stattgfunde hend, isch si au i dem Johr wider im Programm. Im letschte Sommer hets Wetter ned recht mitgspilt, i dem Johr hofft s Tägi-Team uf besseri Bedingige.
«S Interesse a oisere Zeltnacht isch bi de Gäscht riesig», froid sich de Pascal Schelbert, Leiter Gastronomie und Events, uf de Aalass. D Zaltnacht am 13. August sig scho fascht usbueched, so de Schelbert. Am 9. Juli siged no einige Plätz frei. Alli Infos zu de Zeltnacht inkl. Aameldig finded sich unter www.taegi.ch/zeltnacht