Tägi goes digital!

Per 1. Juni 2022 lanciert s Tägi en noie Webshop. Kunde chönnd ab morn Einzeliitriit, Guetschii und s Tägi-Badtuech online chaufe.
De noi Webshop hilft de Gäst vom Gartebad, em Hallebad, de Sauna und im Winter vo de Iisbahn, au mit Einzeliitritt nümm z müesse warte. Nach em Online-Chauf cha me s Ticket dihei usdrucke und chund per QR-Code durchs Drehchrüz am Iigang. Au mit em Mobile-Ticket, also em Scanne direkt vom QR_Code uf em Smartphone isch de Iitritt mögli. Aktuell dörf bim iPhone aber de Wallet (Kreditchartefunktion) ned aktiviert si. E Lösig für das Problem wird aber gsuechd.
Für de Zuegang zum Hallebad und de Sauna wird s Online-Ticket am Empfang in di üblich Tägicharte umgwandled, dass me d Garderobeschränk cha nutze.

Au Gschenkguetschii fürs Tägi sind ab sofort online z ha. De Betrag cha me frei wähle und es git verschidnigi Motiv z.B. für en Geburi oder für d Wiehnacht. Au d Guetschii werded am Empfang in persönlichi Wertcharte tusched. Ebefalls isch XXL-Tägi-Badtuech im Webshop z ha. Zahle cha me im Webshop per Kreditcharte oder Twint.