Am Tsischtig, 26. April 2022 isch e Velofahreri mit ere E-Bike-Fahreri zämmegstosse. D E-Bike-Fahreri isch witergfsahre, ohni sich um di verletzti 11-Jährigi z kümmere.
Geschter churz nach de 6i am Abe isch es 11-jährigs Meitli mit em Velo uf de Büntstrass unterwägs gsi und het in de Sonnrainweg welle abbiege und het a de Chrüzig aaghalte. Glichztitig het e Frau ufeme E-Bike vom Sonnrainweg in d Büntstrass welle um de Rank ume fahre. Si het de Lenker vom Velo vo de 11-jährige touchiert, isch gstützt, aber dann witergfahre, ihni sich um di 11-Jährigi z kümmere, wo sich verletzt gha het.
D Kantonspolizei Aargau het Ermittlige ufgenoh und suecht d E-Bike-Fahreri und allfälligi Züüge. D E-Bike-Fahreri wird als öppe 50-60-Jährigi mit normaler Statur beschribe, wo churzi, grau glockti Hoor het. Si het e dunkli Hose, e helli Jacke und en blaue Velohelm aagha. Wer Aagabe zum Unfall oder de beschribene Person cha mache, sell sich bi de Mobile Polizei z Schafise melde (Tel. 062 886 88 88).