De Verein treff.punkt, wo sich sit vilne Johr für d Integration vo Flüchtling engagiert, bietet au Träffe aa, wo Gflüchteti sich unterenand chönnd ustusche. Jewils am Mentig cha me sich im Juhü träffe.
Für d Integration vo gflüchtete Mönsche isch es wichtig, dass si d Sproch lehred und Kontakt zu Iiheimische übechömmed. Es Bedürfnis isch aber au, sich unterenand chönne usztusche, sigs über d Erläbnis im Chrieg und uf de Flucht, über die aktuell Situation im Heimatland, wie au über d Useforderige vo de Integration bi ois, mit Sprachbarriere, kulturelle Unterschied und vielem meh. Au eifach emol mit anderne d Muettersproch chönne rede, isch wichtig.
De Verein treff.punkt bietet sit em letschte Mentig wider di Möglichkeit. A jedem Mentig vom Föifi bis um Achti am Abe sind Gflüchteti und Asylsuchendi zum Kafi treff.punkt ins Juhü (Jugendhüsli) an de Schartestrass 151 iiglade.
Wil di meischte Ukrainie-Flüchtling ned in zentrale Unterkünft sondern privat unterbochd sind, isch d Mundpropaganda wichtig. Kenned ihr öpper, wo Lüt us de Ukriane ufgnoh hend? Verzälled vom Aagebot vom Verein treff.punkt.