Wil d Chinderfasnacht usgfalle isch, het d Gmeind en Foti-Wettbewerb duregfüehert. Jetzt sind d Sieger bekannt.
Em Ufruef vo de Gmeind Wettige, kreativi Fasnachtsföteli iizreiche, sind vili Chinder und Eltere gfolged. Vomene Graf Dracula über en Super Mario bis zume Wolfswächter isch alles debi gsi. Für d Jury-Mitglieder Sandra Mahr (Jugendarbet Wettige), Monika Sieber (OK Chinderfasnacht), Nina Eggenberger (Fachstell Gsellschaft und Sport) und Philippe Rey (Ressortleiter, Gmeindrat) isch de Entscheid schwierig gsi. Sie hend alli Föteli nach de Kreativität und em Iifallsrichtum bewertet. Folgende drü Föteli hends uf en Podestplatz gschaffd:
1. Platz: «Waschtag» vom Peter Bionda
2. Platz: «de Sorgefresser» vo de Meryl Egli
3. Platz: «Pebbles führt ihre Biester Gassi» vo Loïc, Vera und Aurel Tanner