Chileglocke lüted traditionell vor Gottesdienst, zu bestimmte Tageszite und am 1. August and zum Jahreswechsel. Ab und zu gits aber au anderi Gründ, so wie hüt.
Jedi Chile mit Glocke het ihri eigedi Lüteziite, wo au vo de Konfession abhängig si. Z Wettige lüted d Katholike zum Bispiel um 11i, di Reformierte kurz vor de 12i. Glüted wird au am Samschtig am Abe, z Wettige bi allne Chilene um 5i und vor jedem Gottesdienst. Wo de Zwöit Wältchrieg ghört het, sind au i de ganze Schwiiz und in Europa d Glocke glütet worde und me het d Glocke traditionell au bruuchd, zum vor Gfahre warne.
Für hüt, am 9. März 2022 um 10i hend di Evangelisch-reformiert Chile (EKS), d Schwiizerischi Bischofskonferenz und di christkatholisch Chile zum Glockelüte, Bäte und Innehalte ufgrüefd, im Blick uf de Chrieg in de Ukraine. S Lüte vo de Glocke per 3 Minute sell es Zeiche si für d Verbundeheit und Solidarität mit allne Aktione, wo em Friede, de Nothilf vor Ort und de Ufnahm vo Gflüchtete dient. Faktisch wird an viln Ört s Glüt erscht ab 10.01 Uhr ertöne, wil us technische Gründ de Stundeschlag vorbi si muess.