Am Mentig, 13. Dezember 2021 isch en Fuessgänger bi ere Kollision miteme Auto schwer verletzt worde. De 88-jährig Maa isch in kritischem Zuestand im Spital, schriibd d Kantonspolizei.
De Unfall isch geschter um Zwänzgvordrü uf de Märzengass passiert. En 20-Jähriger isch in eme schwarze Renault Twingo Richtig Landstrass unterwägs gsi. Zu de gliche Ziit het de 88-Jährig bi de Verzwigig Dorfstrass d Fahrbahn welle überquere. Dodebi het ihn s Auto frontal erfasste und und de Bode gschlüdered.
En Ambulanz het de 88-Jährige mit schwere Kopfverletzige ins Spital brochd. Er isch immer no in kritischem Zuestand uf de Intensivstation.
D Ursach vom Unfall isch no ned restlos klärt. D Kapo Aargau suecht us dem Grund Augezüüge. Si selled sich bi de Mobile Polizei z Schafise (Telefon 062 886 88 88) melde.