Politpodium zu de Ammewahl

Am 28. November 2021 entscheided d Wählerinne und Wähler, ob de Roland Kuster oder de Andrea Bova Gmeindamme vo Wettige wird. De Handels- und Gwerbverband veranstaltet dodezue es Podium.

Bi ere Personewahl, wi d Ammewahl eini isch, chunnd es au drauf aa, dass d Wählerinne und Wähler di Kandidierende persönlich chönne kennezlehre. De HGV het jetzt d Möglichkeit dodefür organisiert: Am Donnschtig, 4. November 2021 uf di 7i am Abe (Türöffnig um 18.30 Uhr) im Tägi sind alli Wählerinne und Wähler zu eme öffentliche Podiumsgspröch mit em amtierende Gmeindammann Roland Kuster und em Useforderer Andrea Bova iiglade. Gleitet wird s Polit-Podium vom Maurice Velati, SRF-Redaktionsleiter vo de Regionalredaktion Aargau-Soledurn. Öppe 45 Minute werded d Kandidate vom Maurice Velati befröged, im Aaschluss cha s Publikum Froge stelle. Der Anlass ist nur mit gültigem Covid-Zertifikat (3G).

De Iitritt isch numme mit eme gültige Zertifikat (3G) mögli.