Brand in Mehrfamiliehuus

Am Sunntig, 3. Oktober 2021 het es ufeme Balkon a de Landstrass brönnd. De Schade isch mittelhöch, schribd d Kantonspolizei.

Es isch geschter gege die Halbielfi gsi, wo d Füürwehr alarmiert worde isch. Brönnd hets ufeme Balkon voneme Mehrfamiliehuus a de Landstrass. D Füürwehr und mehreri Polizeipatrouillen sind sofort ufbote worde. D Füürwehr hets Füür schnell chönne lösche. Uf d Evakuierung vo de Aawohnerinne und Aawohner het deshalb chönne verzichtet werde. Au de 84-jährig Bewohner isch ned verletzt worde, aber a de Wohnig hets en mittelgrosse Sachschade geh.

D Kapo het d Ermittlige zu de Ufklärig vo de Brandursach ufgnoh. Vermuetlich isch de Brand uf Fahrlässigkeit zruckzführe, schribd d Kapo.