Wenn d Post «Wettingen Dorf» wider öffned wüssed mir ned. Aber es goht dinne fürschi med em Umbau.
D Post a de Bahnhofstross 92 wird nach de Wedereröffnig, früehner oder spöter no die Einzig sii z Wettige. Ob de Name «Wettingen Dorf» denn blibt, blibt abzwarte.
Sit Endi Juli vo dem Johr esch d Post gschlosse und wird jetzt umbaut ine neui, moderni und helli Post für d Zuekunft. Im Angebot vo de neue Poststell wird en Infobereich und en Beratigsbereich z finde sii plus 4 Schalter. Zuesätzlich werded d Öffnigsziite verlängered wied Post mitteilt hed.
Zum Standort wo erhalte bliibt, schriibt d Post, dass d Lage sehr zentral, vercherstechnisch gut erschlosse und au gnüegend Parkieriegsmöglichkeite vorhande send sowie e Bushaltestell i de Nöchi esch.
Nach de Eröffnig vo de Filiale Dorf söll denn d Post Langestei a de Staffelstross 62 für immer gschlosse werde! Nebe de Post im Dorf gits no d Agentur im Volg a de Lägerestross 19, e PickPost und en MyPost 24-Automat be de Migros a de Landstross 69 und für Gschäftschunde e Usgabestell a de Semitarstross 114 bem Bahnhof, solang s das no ged ….
Wenn die Wedereröffnig esch, hämmer bis zum hüttige Ziitpunkt no ned erfahre, aber d Post schriibt dass Sie drü Mönät bruched für de Umbau, als ca. Endi Oktober chönnt das so witt sii.