Am Sunntig, 15. August 2021 het en 27-jährige Aargauer uf de A1 d Herrschaft über sis Auto verlore. De Automobilist isch alkoholisiert gsi.
Wie d Kantonspolizei (Kapo) innere Mediemitteilig schribd, isch de 27-jährig uf de A1 Fahrtrichtig Bärn unterwägs gsi, wo er zwüsche de Iifahrt Spreitebach und de Usfahrt Wettige-Oscht mehrfach mit de Rand- und de Mittelleitplanke kollidiert isch. S Fahrzüg het sich dann überschlage und isch uf de Site lige blibe. De Lenker het sich debi numme licht verletzt. Am FAhrzüg und an de Autobahniirichtig hets aber en Schade vo öppe 50’000 Franke geh.
De Atemalkoholtest wo d Kapo duregführt het, het en Wert vo öppe 1.8 Promille ergeh. Wil au en Verdacht für Droge- oder Medikamenteiifluss bestande het, het d Staatsaawaltschaft en Bluet- und Urintest aagordned. De Fahruswiis isch em Automobilist zuhande vom Strosseverchersamt entzoge worde. Zudem eht d Kapo de Maa bi de Staatsaawaltschaft verzeiged.