Am Fritig, 13. und Samschtig, 14. August 2021 find s traditionell Wy-Fäscht statt. Mit Degustation und Festwirtschaft.
Corona het ois in de letschte einehalb Johr ned grad mit Fäscht verwöhnt. Um so besser, wenn en Aalass im freie stattfind, wi s Wy-Fäscht vo Steimer Weinbau. Am Fritig cha me vom Halbiföifi am Namittag bis Nüni am Abe und am Samschtig vom Elfi am Morge bis um Nüni em Christian Steimer sini feine Wy degustiere. D Fäschtwirtschaft isch am Fritig vom Halbisächsi bis um Elfi am Abe und am Samschtig vom Mittag bis um Elfi am Abe offe. Au di traditionelle Mischtchratzerli vom Salesi gits.